Galaxy S8/S8+ загварууд Монголд зарагдах үнэ ба танилцуулга.

Galaxy S8/S8+ загварууд Монголд зарагдах үнэ ба танилцуулга.

Өнгөрсөн гуравдугаар сард Samsung компани 2017 оны жишиг загвар болох S8/S8+ утаснуудаа танилцуулсан. Тэгвэл энэ сарын 5-ны өдөр буюу ирэх Баасан гарагт шинэ загварууд Монголд албан ёсоор худалдаанд гарах гэж байна.

64GB үндсэн санах ойтой, 256GB хүртэлх хэмжээтэй микро карт суулгах боломжтой, 4GB RAM, 8 цөмт, 10 нанометрийн цоо шинэ үеийн процессортой энэ утаснууд хоёулаа 18,5:9 харьцаа бүхий super AMOLED дэлгэцтэй.

Өнгөний сонголтын хувьд Нил хар, Цахирмаа саарал, агч шаргал гэсэн гурван төрөл байгаа аж. Дэлгэцийн хэмжээ 5,8-6,2 инч хэдий ч нумарсан загварын ачаар гарт барихад тун эвтэйхэн болжээ.

Аюулгүй байдлын хувьд хэрэглэгч хурууны хээ, нүдний торлог бүрхэвч, царай таних систем зэргийг ашиглаж болно.

Galaxy S цувралын хамгийн сүүлийн хувилбар дэлхийн анхны Bluetooth 5.0 технологийг ашигласан гар утас төдийгүй анхны гигабит хурд дэмжих модемтой ухаалаг утас юм.

Монгол улсад борлуулагдах үнэ нь Galaxy S8 загвар 1,980,000 төгрөг, Galaxy S8+ загвар 2,220,000 төгрөг байх бөгөөд ХААН Банк, Голомт Банк, Капитрон банкны хүүгүй, урьдчилгаа төлбөргүй, 12 сарын хугацаатай зээлийн нөхцөлөөр худалдаанд гарч байгаа аж.

Урьдчилгаа, хүүгүй зээлийн нөхцөлийн талаар Капитрон банкны Шангри Ла салбарын харилцагчийн менежер Ч.Одонгэрэл:

Өмнө нь Самсунг Электроникс компанийн Монгол дахь төлөөлөгчийн газраас бидэнд Galaxy S7/S7 Edge утаснуудыг “Хүүгүй, урьдчилгаа төлбөргүй лизингийн нөхцөл”-ийн санал тавьсан. Ингэснээр хүүгийн төлбөрийг нийлүүлэгч компаниас төлж, худалдан авагч зөвхөн утасныхаа үндсэн үнийг төлж, лизингийн үйлчилгээ авах боломжтой болсон.

Одоо худалдаанд гарах гэж буй Galaxy S8/S8+ утаснуудыг хэрэглэгчид энэ сарын 5-ны өдрөөс эхлэн дээрх нөхцөлийн дагуу лизингээр авах боломжтой болох юм.